Pen-y-groes

Pen-y-groes

Math	pentref
Daearyddiaeth
Sir	Gwynedd
Gwlad	Cymru
Cyfesurynnau	53.053°N 4.283°W
Cod OS	SH470531
Cod post	LL54
Gwleidyddiaeth
AS/au Cymru	Siân Gwenllian (Plaid Cymru)
AS/au y DU	Hywel Williams (Plaid Cymru)
Ffeiliau perthnasol ar Comin
[golygwch ar Wicidata]

Am y pentref bychan o'r un enw yn Sir Gaerfyrddin, gweler Pen-y-groes, Sir Gaerfyrddin.

Pentref mawr yng nghymuned Llanllyfni, Gwynedd, Cymru, yw Pen-y-groes^[1] neu Penygroes^[2] ( ynganiad ). Saif yn Nyffryn Nantlle, ger pentrefi Llanllyfni, Carmel a Groeslon.

Lleolir Ysgol Dyffryn Nantlle yn y pentref, ynghyd â ffatri papur toiled a chlwb peldroed enwog Nantlle Vale. Dyma ganolfan fasnachol ac economaidd y dyffryn, bellach wedi edwino rhyw gymaint ers agor ffordd osgoi heibio pentrefi'r cwm. Yno hefyd mae meddygfeydd, llyfrgell, canolfan dechnoleg, canolfan hamdden Plas Silyn, fferyllydd a stad ddiwydiannol. Cydnabyddir fel un o'r cymunedau Cymreiciaf yn y byd, gyda mwy na 90% yn gallu'r Gymraeg yno.

Mae bysiau sy'n rhedeg i Gaernarfon yn gwasanaethu'r pentref.

Cynrychiolir yr ardal hon yn Senedd Cymru gan Siân Gwenllian (Plaid Cymru)^[3] ac yn Senedd y DU gan Hywel Williams (Plaid Cymru).^[4]

1. ↑ "Rhestr o Enwau Lleoedd Safonol Cymru". Llywodraeth Cymru. 14 Hydref 2021.
2. ↑ British Place Names; adalwyd 20 Ionawr 2022
3. ↑ Gwefan Senedd Cymru
4. ↑ Gwefan Senedd y DU