Stadiwm Wembley

Stadiwm Wembley

Math	stadiwm amlbwrpas, canolfan gerddoriaeth
Ardal weinyddol	Bwrdeistref Llundain Brent, Wembley
Agoriad swyddogol	9 Mawrth 2007
Sefydlwyd	30 Medi 2002
Daearyddiaeth
Lleoliad	Llundain
Sir	Llundain Fwyaf (Sir seremonïol)
Gwlad	Lloegr
Cyfesurynnau	51.5556°N 0.2794°W
Rheolir gan	Foster and Partners
Perchnogaeth	Wembley National Stadium Ltd
Cost	757,000,000 punt sterling
Ffeiliau perthnasol ar Comin
[golygwch ar Wicidata]

Stadiwm pêl-droed cenedlaethol Lloegr yw Stadiwm Wembley. Fe'i lleolir yn Wembley, rhan o fwrdeistref Brent yng ngorllewin Llundain. Cynhelir rownd derfynol Cwpan Lloegr (neu Gwpan yr FA) a gemau cartref tîm pêl-droed cenedlaethol Lloegr yno.

Agorodd y stadiwm presennol, a gynlluniwyd gan y penseiri HOK Sport (a gynlluniodd Stadiwm y Mileniwm yng Nghaerdydd) a Foster and Partners, yn 2007. Saif ar safle stadiwm cynharach a agorwyd ym 1923; dymchwelwyd hwn yn 2003. Tra'r oedd Stadiwm y Mileniwm yn cael ei adeiladu yng Nghaerdydd chwaraewyd gemau cartref tîm rygbi'r undeb cenedlaethol Cymru yn hen stadiwm Wembley, a thra oedd y stadiwm newydd yn cael ei adeiladu cynhaliwyd rownd derfynol Cwpan yr FA yng Nghaerdydd. Cynhaliwyd gemau pêl-droed Gemau Olympaidd yr Haf 2012 yno hefyd.