Mae'r Nofel Gymraeg yn agwedd bwysig ar Lenyddiaeth Gymraeg ers y bedwaredd ganrif ar bymtheg. Cydnabyddir nad yw'r nofel yn gyfrwng sy'n frodorol i'r iaith Gymraeg; bu nofelau yn yr iaith Saesneg o Loegr ac Unol Daleithiau America ar gael yng Nghymru peth amser cyn ysgrifennu'r nofelau Cymraeg cynharaf.[1] fodd bynnag erbyn heddiw mae nofelau yn yr iaith Gymraeg yn gyffredin ac yn rhan sylweddol o'r diwydiant cyhoeddi Cymreig. Bob blwyddyn ers 1978 rhoddir Gwobr Goffa Daniel Owen yn yr Eisteddfod Genedlaethol am y nofel Gymraeg orau; nofel fer sy'n ennill y Fedal Ryddiaith yn aml hefyd, er nid o angenrheidrwydd.
- ↑ Jenkins, Dafydd; 'Y Nofel Gymraeg Gynnar' yn Williams, Gerwyn (gol.) (1999) Rhyddid y Nofel. Gwasg Prifysgol Cymru. tt.33-34.