C'l artìcul chè 'l è scrit in
Miranduléś |
![]() | ||
Alien3 | ||
![]() La Sigourney Weaver in na figùra dal film | ||
Aglièṅ3 1992 | ||
---|---|---|
Regìa: David Fincher | ||
Scritōr: Dan O'Bannon • Ronald Shusett David Giler • Walter Hill | ||
Atōr: Sigourney Weaver • Pete Postlethwaite Brian Glover • Paul McGann • Charles S. Dutton Charles Dance • Ralph Brown • Holt McCallany | ||
Müsica: Elliot Goldenthal | ||
Léngua: Ingléś | ||
Dürä dal film: 114 minüt | ||
Nasiōṅ: Stat Unî |
Alien3 (Aglièṅ3) l è 'n film fantàstic e ad scarésa dal 1992 ad David Fincher, séguit di film Alien ad Ridley Scott dal 1979 e Aliens - Scontro finale ad James Cameron dal 1986. Al gh'à abû un séguit in dal 1997, Alien - La clonazione.
Custâ quèl da piò ad sinquànta migliòṅ ad dòlar, al film al 'n à pò catâ sù sènt-a-ssanta.
Di cumpunènt dl'astunâṿ “USS Sulaco” ch'l'è drē a turnàr in sla Tèra, al tenènt Ellen Ripley (Sigourney Weaver), al capuràł Hicks (Michael Biehn), la pìcula Newt (Danielle Edmond) e 'l andròid Bishop (Lance Henriksen), a s salva sōl la Ripley quànd i gh'aṅ da pruàr a far 'n ateràǵ ad furtùna su 'l pianéda Fiorina "Fury" 16 abitâ sōl da delinquènt patintâ ch'i gh 'l ànan scrit in dal sangṿ a livèl genètic.
L’Ellen la s armét a fadìga ma pò la fà a mènt ch'in dal rutàm dl'astunâṿ a gh'è dal bruśadùri 'd àcid cumpàgni a qvéli ch'i pōlan far gl'Aglièṅ. La fà far acsè n'autupsìa a la Newt ma i n gh càtan gnint ch'a pòs' èsar ligâ a 'l parasìta. I còrp di sò dasfurtunâ cumpàgn ad viàś i vènan pò cremâ.
A 'vér-ag dèntar 'l óṿ, qvél dla regìna pò, l'è pròpria lē.