C'l artìcul chè 'l è scrit in
Miranduléś |
![]() | ||
Fatti, strafatti e strafighe | ||
![]() William Scott e Kutcher in na figùra dal film | ||
Fat, strafàt e strafìghi 2000 | ||
---|---|---|
Regìa: Danny Leiner | ||
Scritōr: Philip Stark | ||
Atōr: Seann William Scott • Ashton Kutcher Jennifer Garner • Marla Sokoloff • David Herman Kristy Swanson • Hal Sparks • Charlie O'Connell Christian Middelthon • Mary Lynn Rajskub | ||
Müsica: Damon Albarn • David Kitey | ||
Léngua: Ingléś | ||
Dürä dal film: 83 minüt | ||
Nasiōṅ: Stat Unî |
Fatti, strafatti e strafighe (Fat, strafàt e strafìghi) l'è na cumèdia americàna dal 2000 ad Danny Leiner ch'la strica 'l òć a la cretinìśia. Al tìtul ingléś, tradót a la létra, a vōl dir “Sgnōr, in du è-la la mè màchina?”.
Custâ trédas migliòṅ ad dòlar, al film al 'n à muciâ sù da piò ad stanta-tri.
Dòp na nòt sénsa critèri in dua iṅ fat da tut, Jesse (Ashton Kutcher) e Chester (Seann William Scott) i n s arcòrdan più gnint, gnanc in dua i aṅ lasâ la sò màchina in dua i ìvan preparâ i rigài p'r al sò muróśi, al śmèli Wilma (Marla Sokoloff) e Wanda (Jennifer Garner). 'L ùnic indìsi ch'i gh'aṅ 'l è na scatla ad fulminànt dal strip club “Kitty Kat” e 'l frîg pîṅ ad budèṅ.
In pôc tèmp i 'ncróśan tri grup ad parsòni: al prim fat ad pèpi ad c'l àtar móndi ch'i gh prumét'n al “piaśēr dla bóca”, òṅ furmâ da dū aglièṅ ch'i pàran di óm scandinàṿ cun di gust da fnòć e 'n àtar ad sfigâ c'n al diàv'l adòs, c'n a cap un tisi ciamâ Zurlì (Hal Sparks), ch'i vōl'n andàr in dal spasi. Tut chi lōr i dmànd'n a i ragàs al fantumàtic “traspundidōr dal continuum” ch'al sarvìs a prutèśar 'l univèrs da la distrusiòṅ.