C'l artìcul chè 'l è scrit in
Miranduléś |
![]() | ||
Sabotaggio | ||
![]() John Loder e la Sylvia Sidney in na figùra dal film | ||
Sabutàǵ 1936 | ||
---|---|---|
Regìa: Alfred Hitchcock | ||
Scritōr: Joseph Conrad • Charles Bennett • Ian Hay Helen Simpson • Alma Reville • E.V.H. Emmett | ||
Atōr: Sylvia Sidney • Oskar Homolka • John Loder Desmond Tester • Joyce Barbour • Clare Greet S.J. Warmington • Charles Hawtrey • Peter Bull Matthew Boulton • William Dewhurst • Martita Hunt | ||
Müsica: Hubert Bath • Jack Beaver • Louis Levy | ||
Léngua: Ingléś | ||
Dürä dal film: 76 minüt | ||
Nasiōṅ: Régn Unî |
Sabotaggio (Sabutàǵ) 'l è 'n film thriller dal 1936 'd Alfred Hitchcock trat da 'l rumànś ’L Agìnt segrét ad Joseph Conrad. Al film, ch'al fà part dal perìud ingléś dal regìsta, in di Stat Unî 'l è cgnusû anc cun al tìtul ad The Woman alone.
'L è stâ girâ in biànc e négar.
Durànt la secónda guèra mundiàla soquànt atintâ i squàsan Lóndra. A và via la luś in tuta la sità par via 'd un sabutàǵ a la sentràla lètrica. I spetadōr 'd un cìnema i s arlìan dimóndi e i dmànd'n indrē i bèsi di bijét quànd 'l è pròpria al pruprietàri, Karl Anton Verloc (Oskar Homolka), al respunsàbil, lavurànd par n'urganiśasiòṅ segréta ch'la s éra misa cónt'r al Régn Unî. Ninsòṅ a n sà gnint, gnanc sò mujér Sylvia (Sylvia Sidney) ch'la viṿ cun sò marè e cun al sò fradèl pìcul Steve (Desmond Tester) in 'n apartamènt lè dadrē.
In cal méntar 'l arvindról Ted Spencer (John Loder), ch'al lavóra lè datéś, al s intrumét in dla questiòṅ dla restitusiòṅ di bèsi par far cólp su la sgnóra Verloc ma a n gh'è mia biśógn parchè la luś la tórna a 'ndàr. Ted, a dir la véra, 'l è 'n pulisiòt ad Scotland Yard ch'al gh'à da tgnir 'd òć a 'l terurìsta.
Dòp al falimènt d'l atintâ, al sgnór Verloc adès al gh'à 'l incàrag ad métar na bómba in dla stasiòṅ dla mèttro ad Piccadilly Circus. P'r a n dar minga di suspèt, Karl al dmanda a sò cugnâ Steve ad purtàr-'g un pac cun dèntar d'l espluśìv, faghénd finta ch'a gh sia dla pelìcula 'd un film.