C'l artìcul chè 'l è scrit in
Miranduléś |
![]() | ||
The Sixth Sense - Il sesto senso | ||
![]() Haley Joel Osment e Willis in na figùra dal film | ||
The Sixth Sense - Al sèst sèns 1999 | ||
---|---|---|
Regìa: M. Night Shyamalan | ||
Scritōr: M. Night Shyamalan | ||
Atōr: Haley Joel Osment • Bruce Willis Toni Collette • Olivia Williams • Trevor Morgan Donnie Wahlberg • Peter Anthony Tambakis | ||
Müsica: James Newton Howard | ||
Léngua: Ingléś • Spagnōl • Latìn | ||
Dürä dal film: 107 minüt | ||
Nasiōṅ: Stat Unî |
The Sixth Sense - Il sesto senso (The Sixth Sense - Al sèst sèns) 'l è 'n fim dramàtic e 'd scarésa dal 1999 ad M. Night Shyamalan ch'al 'l à anc scrit.
La pelìcula, ch'l'è stada candidàda a siē Prèmi Òscar, l'è custàda quarànta migliòṅ ad dòlar faghénd-an pò sù da piò ad siesènt-a-stanta.
Al dutōr Malcolm Crowe (Bruce Willis), psicòlug di putèṅ ad Filadèlfia, al tórna a cà na sira insém a sò mujēr Anna (Olivia Williams) dòp na fèsta 'd gala in du 'l éra stâ premiâ p'r al sò lavōr. A 'l impruvìś a salta fóra 'n óm ch'l éra stâ 'n sò pasiènt da pìcul, Vincent Gray (Donnie Wahlberg), ch'al gh spara parchè al n éra mia stâ bòṅ ad guarìr-al da i sò distùrub, pò al s tōś la vita.
Òt méś più tard, dòp èsar-'s armìs, Malcolm al gh'à da far i cònt c'n al caś 'd un baghét ad nóṿ an dimóndi sensìbil ciamâ Cole Sear (Haley Joel Osment) ch'al gh'à sèmpar paùra 'd un quèl ch'l al terurìśa ma ch'al n è mia bòṅ 'd paràr via: al masćèṅ al gh diś ch'al véd la gint mòrta. Al mèdag al próa a jutàr-al ma a n è minga 'n quèl fàcil.