C'l artìcul chè 'l è scrit in
Miranduléś |
![]() | ||
![]() L'Elisabetta Rocchetti in na figùra dal film | ||
T piàś-al Hitchcock? 2005 | ||
---|---|---|
Regìa: Dario Argento | ||
Scritōr: Franco Ferrini • Dario Argento | ||
Atōr: Elio Germano • Elisabetta Rocchetti Iván Morales • Chiara Conti • Dylan McDermott Edoardo Stoppa • Cristina Brondo • Anna Varello | ||
Müsica: Pino Donaggio | ||
Léngua: Itagliàṅ • Spagnōl | ||
Dürä dal film: 93 minüt | ||
Nasiōṅ: Itàglia • Spaggna |
Ti piace Hitchcock? (T piàś-al Hitchcock?) 'l è 'n film śal dal 2005 fat par la televiśiòṅ ad Dario Argento girâ a Turèṅ in dl'Istâ dal 2004.
La Sasha Zerboni (Elisabetta Rocchetti) e la Federica Lalli (Chiara Conti) i èṅ dū ragàsi ch'i s cgnós'n in dla videutéca 'd Andrea (Iván Morales) in dal méntar ch'i éran drē tuti e dū a tōr al dvd ad Delitto per delitto, un film 'd Alfred Hitchcock ch'a gh piaśìva dimóndi. In cal mumènt lè in negòsi a gh'è anc un ragàs cinèfil e studènt ad cìnema, Giulio (Elio Germano), ch'al buta subìt 'l òć adòs a la Sasha anc s'la muróśa al gh l'à bèla, l’Arianna (Cristina Brondo). La Sasha la stà 'd cà pròpria in dal palàs darènt a 'l suo e lò al taca a tgnir-la 'd òć.
Na nòt Giulio al sènt la màdar dla ragàsa (Milvia Marigliano) sigàr parchè qualchidòṅ 'l è drē a cupàr-la druànd un schisa-carna. Cun la sò mòrt la Sasha la dvènta rica parchè la ciàpa incòsa tut lē. A s pōl anc pinsàr ch'la sia stada lē ma a n è mia acsè parchè la gh'à 'n àlibi 'd fèr. Giulio al s fà dal dmandi e al taca a pinsàr ch'la dóna la sia stada fata fóra a la manéra dal film 'd Hitchcock ch'i ìvan tòlt a nuléǵ anc parchè la Federica la gh'à di prubléma cun soquànt di sò cliènt parchè la gh'iva fargâ di bèsi e par cal mutìṿ lè l'éra anc custréta a 'ndàr-'g a lèt.