La 8-a arondismento (france VIIIe arrondissement) estas unu el la dudek arondismentoj de Parizo. Ĝi troviĝas sur la dekstra bordo de Sejno. Kune kun la 2-a kaj la 9-a arondismentoj, ĝi parte entenas la plej gravan ekonomian centron de Parizo (krom La Défense), organizitan ĉirkaŭ la operejo Garnier.
Laŭ la stato de 2021 en la arondismento vivis 35 123 loĝantoj sur areo de 3,88 kvadrataj kilometroj, kio rezultigas loĝdenson de 9 052 loĝantoj/km². Kun pli ol 171 000 postenoj, ĝi estas ekonomie la plej grava arondismento de la franca ĉefurbo.
Tiu kvartalo entenas plurajn vidindaĵojn de Parizo, inkluzive de la avenuo de la Elizeaj Kampoj, de la Triumfa Arko aŭ de la placo de la Konkordo. Tie plie situas la palaco Elizeo, kiu estas la oficiala loĝejo de la Prezidanto de la Respubliko.
Developed by Tubidy