Adolf Dassler | |
---|---|
![]() | |
Persona informo | |
Naskiĝo | 3-an de novembro 1900 en Herzogenaurach |
Morto | 6-an de septembro 1978 (77-jaraĝa) en Herzogenaurach |
Mortokialo | Kora malsufiĉo ![]() |
Tombo | Herzogenaurach Old Cemetery (en) ![]() ![]() |
Lingvoj | germana |
Ŝtataneco | Germanio ![]() |
Familio | |
Frat(in)o | Rudolf Dassler ![]() |
Edz(in)o | Käthe Dassler (en) ![]() ![]() |
Infano | Horst Dassler (en) ![]() ![]() |
Okupo | |
Okupo | entreprenisto politikisto mododezajnisto ![]() |
Adolf "Adi" DASSLER (n. la 3-an de novembro 1900 en Herzogenaurach, Germanio - m. la 6-an de septembro 1978), ĉefe konata kiel Adi Dassler, estis germana entreprenisto, kiu fondis la sportvestan firmaon Adidas.
Unue formita kiel bakisto, Adi Dassler ekproduktis siajn proprajn sportŝuojn en la kuirejo de sia patrino, post kiam li revenis el la Unua mondmilito. Lia patro, Christoph, laboris ene de ŝuo-fabrikejo. La fratoj Zehlein, kiuj mane fabrikis ŝuo-najlojn en sia forĝejo, akceptis subteni la novan entreprenon fonditan de Dassler, Adidas (Adi Dassler). En 1924, lia frato Rudolf Dassler ekpartoprenis la aferon. Rudolf poste foriris Adidas kaj fondis la rivalan firmaon Puma.
Okaze de la Somera Olimpiko 1928, Adidas ekipis plurajn atletojn, tiel komencante la internacian disvolviĝon de la firmao. En majo 1933, Dassler eniris la nazian partion NSDAP. Dum la Somera Olimpiko 1936, la ŝuojn de la ormedalulo Jesse Owens proviziis Dassler. Adolf Dassler fariĝis diligenta nacisocialisto, kaj estis dungita en la Wehrmacht komence de la Dua mondmilito.
En 1973, la filo de Adolf, Horst Dassler, fondis la firmaon Arena, kiu specialiĝis pri naĝaparato. Post la morto de Adolf en 1978, lia filo kaj ties edzino Käthe heredis Adidas. La firmao restis familia proprietaĵo ĝis 1995.