Alexander Hegius

Alexander Hegius (1439-1498)
Alexandri Hegii ... Carmina et grauia et elegantia: cum ceteris eius ... 1503
Persona informo
Naskiĝo	1439 en Burgsteinfurt, proksima de Münster,  Germanio
Morto	27-a de decembro 1498 en Deventer,  Nederlando
Lingvoj	latina vd
Alma mater	Universitato de Rostock
Profesio
Okupo	verkisto katolika sacerdoto vd
Membrecoj Membrecoj Aduarder Kring (en) vd
vd	Fonto: Vikidatumoj
v • d • r

Alexander Hegius (naskiĝis en 1439 en Burgsteinfurt, mortis la 27-an de decembro 1498 en Deventer) estis nederlanda germandevena humanisto kaj pedagogo.

Hegius estis filo de juĝisto kaj en lia infanjaro li vizitadis liceon en Münster kaj tie konatiĝis kun Rudolph von Langen. Inter 1456 kaj 1463 li studis en Rostock. En 1469, li fariĝis rektoro de la ŝtata Gimnazio Konrad-Duden en Wesel, kaj en 1474, li eniris en la Seminarion de Sankta Marteno en Emmerich. Li estis granda amiko de Moritz, Grafo de Spiegelberg (1417-1435)^[1], kiu multe helpis lin.

Tie Hegius konatiĝis kun Rudolfo Agricola (1443-1485) kiu eble estis lia instruisto. El 1483 ĝis sia morto li aktivis kiel rektoro de la Kolegiato de Sankta Lebuino^[2], en Deventer. Rudolfo enkondukis Hegius-on en la rondon de amikoj de altranguloj de la Nordokcidenta germana humanismo, kiuj kunvenis en la iama Cisterciana monaĥejo Adwert, en Groningeno. Inter lia amikaro da humanistoj estis: Erasmo de Roterdamo, kiu estis lia lernanto en Deventer^[3], Hermann von dem Busche, kaj Johannes Murmellius, krom la misiistoj Konrad Goclenius (1489-1539)^[4], Konrad Mutianus Rufus (1470-1536)^[5] kaj Adrian Boeyens, la estonta papo Adriano la 6-a.

La ĉefaj pretendoj de Hegius kuŝas ne sur lia publikita verkaro, sed en la servo kiun li faris por la bono de la humanismo. Li sukcesis abolicii la medievalajn ekstermodajn tekstojn kaj la instrumetodojn, kaj enkondukis sian lernantaron en la studon pri la klasikaj aŭtoroj. Lia grandanimeco ĉe asistado al la malriĉaj studantoj elĉerpis lian konsiderindan riĉaĵaron, kaj, ĉe sia morto, li lasis nenion, krom librojn kaj vestojn.

1. ↑ Grafoj de Spiegelberg
2. ↑ Sankta Lebuino el Deventer.
3. ↑ Life of Erasmus, from A.D. 1467 to A.D. 1529, paĝo 2, John Jortin, Jean Le Clerc.
4. ↑ CERL Thesaurus
5. ↑ Personensuche