Amorfeco, en kemio, kristalografio kaj, analogie, en aliaj natursciencaj fakoj, estas manko de vasta atoma ordo en substanco. En struktura kemio, amorfa materialo estas tiu, en kiu mankas signifa kristala ordo ĉe la molekula nivelo. En la historio de kemio, amorfeco estis rekonita eĉ antaŭ la eltrovo de la naturo de la atoma kristala kradostrukturo.[1] La koncepto de amorfeco ankaŭ troviĝas en kampoj kiel arto[2], biologio, arkeologio kaj filozofio[3] kiel trajto de objektoj sen formo aŭ kun hazarda strukturo.