Caravaggio

Caravaggio
Persona informo
Naskonomo	Michelangelo Merisi
Naskiĝo	29-an de septembro 1571 (1571-09-29) en Milano, Duklando de Milano,  Hispana Imperio
Morto	18-an de julio 1610 (1610-07-18) (38-jaraĝa) en Porto Ercole, State of Presidi,  Reĝlando de Napolo
Tombo	Porto Ercole (en)
Lingvoj	itala
Ŝtataneco	Duklando de Milano
Subskribo
Familio
Patro	Fermo Merixio (en)
Patrino	Lucia Aratori (en)
Edz(in)o	–
Okupo
Okupo	pentristo
Verkoj	Supper at Emmaus La venka amo Medusa Basket of Fruit The Fortune Teller La Sep Laboroj de Mizerikordo Self-Portrait as Bacchus Bacchus Annunciation Judit Senkapiganta Holofernon
v • d • r

Michelangelo Merisi (laŭ la hejmloko de sia familio kutime mallonge nomata Caravaggio, plennome esperantigite Mikelanĝelo Merisi da Karavaĝo; naskiĝis la 29-an de septembro 1571 en Milano, Lombardio; mortis la 18-an de julio 1610 en Porto Ercole, parto de la komunumo Monte Argentario piede de samnoma monto) estis itala pentristo de la frua baroka epoko. Li famiĝis per aparta realismo en siaj pentraĵoj, kaj de aĵoj kaj de homoj, fizike kaj emocie. Kune kun lia dumviva kolego kaj konkurento Annibale Carracci kaj pro sia drameca uzado de la lumo, li estas konsiderita la fondinto de la roma skolo de baroka pentrado.^[1][2][3]

Caravaggio uzis fizikan observadon kun spektakla uzado de chiaroscuro kio iĝis konata kiel tenebrismo. Li faris el tiu tekniko la dominantan stilan elementon, malheligante ombrojn kaj metante aĵojn en brilaj lokoj. Caravaggio forte esprimis krudajn momentojn kaj scenojn, ofte montrante violentajn luktojn, torturojn kaj mortojn. Li laboris rapide, uzante vivajn modelojn, sen uzado de desegnoj kaj laborante rekte sur la tolo. Lia influo sur la nova Baroka stilo kiu aperis el Manierismo estis tre forte. Tiu influo estas videbla rekte aŭ nerekte en la verkaro de Petro Paŭlo Rubens, José de Ribera, Gian Lorenzo Bernini kaj Rembrandt, kaj la artistoj de la venonta generacio kiuj estis sub liaj influoj estis nomitaj "Caravaggisti" aŭ "Caravagesques", same kiel tenebristoj aŭ "tenebrosi" ("ombristoj").

1. ↑ Vincenzio Fanti (1767). Descrizzione Completa di Tutto Ciò che Ritrovasi nella Galleria di Sua Altezza Giuseppe Wenceslao del S.R.I. Principe Regnante della Casa di Lichtenstein (itale). Trattner. p. 21.
2. ↑ "Italian Painter Michelangelo Amerighi da Caravaggio". Gettyimages.it. Alirita la 29an de septembro de 2019.
3. ↑ "Caravaggio, Michelangelo Merisi da (Italian painter, 1571–1610)". Getty.edu. Alirita la 29an de septembro de 2019.