Casa de la Vall | |||
---|---|---|---|
| |||
manor house (en) ![]() ![]() | |||
Bazaj datoj | |||
Konstrustilo | popola arkitekturo vd | ||
Estiĝo | 1580 | ||
Lando | Andoro ![]() | ||
Situo | Andoro Malnova | ||
Adreso | carrer de la Vall | ||
Situo | |||
Geografia situo | 42° 30′ 24″ N, 1° 31′ 14″ O (mapo)42.5066666666671.5205555555556Koordinatoj: 42° 30′ 24″ N, 1° 31′ 14″ O (mapo) | ||
| |||
La konstruaĵo Casa de la Vall en Andoro Malnova (Andorra la Vella), laŭ vorta traduko el la kataluna "Domo de la Valo", estas la sidejo de la parlamento de Andoro, nomata "Consell General de les Valls" (Konsilo Ĝenerala de la Valoj).
La domo konstruiĝis en 1580 kiel nobela vilao kun fortikita turo de la familio Busquets. En 1702 ĝin aĉetis la antaŭaĵo de la Konsilo Ĝenerala, tiutempe titoligata Consell de la Terra ("Konsilio de la Teritorio").
La duetaĝa domo el masivaj ŝtonoj ne mortere ligitaj, en du anguloj havas historiajn kolombejojn en formo de turetoj. En parketo antaŭ la domo troveblas la modernisma skulptaĵo "La Danco" de Francesc Viladomat. Sur placo ĉe la norda flanko de la konstruaĵo poziciiĝas monumento de Emili Armengol pri la ŝtata sendependeco de Andoro el 1993 kaj la ekfunkcio de ŝtata konstitucio.
En la teretaĝo troveblas la justica administracio de Andoro kun la apelacia juĝejo. En la supra etaĝo situas la kunsidejo de la Konsilio Ĝenerala, la kapelo Sant Ermengol kaj la "ŝranko de sep ŝlosiloj", kiu servas kiel arkivo por la plej gravaj historiaj dokumentoj de Andoro, kaj nur povas malfermiĝi aŭ fermiĝi per la ŝlosiloj de la reprezentantoj de ĉiuj sep katolikaj kaj administraj paroĥoj de Andoro. Apud la parlamenta kunsidejo krome situas historia kuirejo, ĉar la konsilianoj en la pasinteco devis resti en la konstruaĵo ĝis trovo de decidoj, kaj dum tiu tempo ricevis manĝaĵojn.
Super la ĉefa enirejo videblas la nacia blazono de Andoro, kaj la blazono de la familio Busquets.
La 1-an de januaro 2014 ekcirkulas naciaj andoraj eŭro-moneroj: la monero de 1 Eŭro bildigas la historian parlamentejon.