Back الهيئة الألمانية للتبادل الثقافي Arabic Alman Akademik Mübadilə Xidməti Azerbaijani Нямецкая служба акадэмічных абменаў Byelorussian Deutscher Akademischer Austauschdienst German German Academic Exchange Service English Servicio Alemán de Intercambio Académico Spanish مؤسسه مبادلات آکادمیک آلمان Persian Deutscher Akademischer Austauschdienst French Dinas Pertukaran Akademis Jerman ID Servizio Tedesco per lo scambio accademico Italian
La organizaĵo germane nomata Deutscher Akademischer Austauschdienst [e. V.] (DAAD) - en Esperanto "Germana Servo por la Interŝanĝo de Universitatanoj [registrita asocio]" estas komuna institucio de la altlernejoj kaj studentaj unuiĝoj de Germanio, por subteni la internaciajn rilatojn de universitataj studantoj, doktoriĝantoj kaj profesoroj. La asocio fondiĝis la 1-an de januaro 1925 laŭ privata studentara iniciato en Hajdelbergo, en 1933 estis devige naziigita sub ŝtata premo en Nazia Germanio, en 1945 malfondiĝis kaj la 5-an de aŭgusto 1950 refondiĝis laŭ la demokratia kaj interkompreniga sinteno de la origina fondo. La centra oficejo de la Servo estas en Bonn, pli ekzakte en la kvartalo Plittersdorf de la urbodistrikto Bad Godesberg. Prezidanto ekde februaro 2020 estas profesoro Joybrato Mukherjee.
Krom la centra oficejo ekzistas filiaj oficejoj en Bruselo, Ĝakarto, Hanojo, Kajro, Londono, Meksik-urbo, Moskvo, Najrobio, Nov-Delhio, Nov-Jorko, Parizo, Pekino, Rio-de-Ĵanejro, Tokio kaj Varsovio. La oficejon en Tokio en aprilo 1978 starigis la esperantisto Ulrich Lins. Krome en 60 landoj ekzistas informaj centroj de DAAD.