Dorsosako estas ujo el ŝtofo, mola plasto (nilono aŭ polivinil-klorido) aŭ el ledo (nuntempe nur pro modaj kialoj), kiun oni portas helpe de rimenoj sur la dorso. Malpezaj dorsosakoj estas portataj nur per ŝultraj rimenoj, plej pezaj havas aldonan talirimenon por porti ilin ne nur per la ŝultroj, sed ankaŭ per la koksoj.
La plej malnova tipo de dorsosako estis portilo, kiu konsistis nur el malferma kadraĵo ligna aŭ metala fiksita al la rimenoj.