Eksprestramo (france Tram Express) estas termino aplikata al fervojlinioj en regiono Francilio, Francio, projektitaj de Syndicat des transports d'Île-de-France (STIF), kiuj estas ekspluatataj sub formo de tramtrajno. Tiuj linioj disvolvitaj en cirkloj konsistas el:
Norda Eksprestramo (france Tram Express Nord), kunliganta la stacidomon Sartrouville (Yvelines) al la stacidomo Noisy-le-Sec (Seine-Saint-Denis), estanta Eksprestramo 11. Ĝi estis malfermita la 1-an de julio 2017, kunligante en unua fazo haltejon Épinay-sur-Seine al haltejo Le Bourget;
Suda Eksprestramo (france Tram Express Sud), kunliganta la haltejon Massy - Palaiseau (Essonne) al la haltejo Évry-Courcouronnes (Essonne), estanta Eksprestramo 12. Ĝi estis malfermita al pasaĝeroj la 9-an de decembro 2023;
Okcidenta Eksprestramo (france Tram Express Ouest), kunliganta la haltejon Saint-Germain-en-Laye al la haltejo Saint-Cyr (Yvelines), estanta Eksprestramo 13. Ĝi estis malfermita al pasaĝeroj la 6-an de julio 2022.
