| Eldona Societo Esperanto | ||
|---|---|---|
| Förlagsföreningen Esperanto | ||
| ||
| eldonejo esperanto-organizaĵo 
| ||
| Komenco | 1918 | |
| Lando(j) | Svedio vd | |
| Sidejo | Upsalo | |
| Tipo | Esperanto-eldonejo | |
| Lingvoj |
Esperanto, sveda | |
| Retejo | https://esperanto-gbg.org/eldona/ | |
Eldona Societo Esperanto (ESE, svede Förlagsföreningen Esperanto kaj Esperantoförlaget)[1] estas sveda eldonejo de libroj en kaj pri Esperanto. Ĝi komencis eldoni librojn pri kaj en Esperanto en 1918.[1] La incianto estis Adolf Larsson, kaj, laŭ EdE, ĝi eklaboris aktive sub la gvido de Henning Halldor en 1925.
De 1925 ĝis 1934 ĝi eldonis sep lernolibrojn, sep lego- kaj ekzerc-librojn kaj unu dek literaturajn verkojn, inter ili: Per Balono al la Poluso 1930, Gösta Berling 1934 kaj Sveda Antologio samjare. La valoro de tiuj verkoj estis en 1934 en ora valuto kalkulata 66 svisaj frankoj.
El ĝiaj eldonaĵoj kelkaj gramatikoj atingis kelkdekmilon. ESE estas ankaŭ unu el la plej grandaj vendistoj de fremdaj eldonaĵoj.
La inicianto Adolf Larsson estis kasisto 1918–1938, kaj Henning Halldor estro 1918–1941. Bernhard Eriksson estis estro 1941–1945, kaj Sune W. Ahlm en 1948.[2] Rudolf Pehrsson iam estis kunlaboranto kaj sekretario.[3]
La estro Eriksson posedis presejon, kaj dum periodo ekde 1925 presis ĉian verkon de Eldona Societo Esperanto tie.[4]
- ↑ 1,0 1,1 http://www.esperanto-gbg.org/eldona/ (januaro 2018)
- ↑ Citaĵa eraro Malvalida etikedo
<ref>; neniu teksto estis provizita por ref-oj nomatajle_48; $2 - ↑ Pehrsson en Enciklopedio de Esperanto
- ↑ Ĉi tiu artikolo baziĝas (parte aŭ tute) sur la artikolo Eriksson, Berhnard el la Enciklopedio de Esperanto.