Franz Christanell | |
---|---|
Persona informo | |
Naskiĝo | 14-an de junio 1880 en Meran |
Morto | 6-an de marto 1961 (80-jaraĝa) en Meran |
Lingvoj | Esperanto • germana |
Ŝtataneco | Aŭstrio ![]() |
Okupo | |
Okupo | esperantisto instruisto ![]() |
Franz Christanell (kristanel) estis aŭstra esperantisto, doktoro, pastro kaj gimnazia instruisto de matematiko kaj fiziko ĉe Borromaeum-gimnazio. Li naskiĝis 14-an de junio 1880 en Meran, Sudtirolo, Aŭstrio-Hungario, kaj mortis samloke post ses pensiulaj jaroj en Merano la 6-an de marto 1961[1]. Kun Esperanto li konatiĝis per d-ro Pezlederer en 1920. En 1921 li kunfondis neŭtralan grupon en Salzburgo kaj restis ties animo. En 1925 li estis prezidanto de la Aŭstria Esperanto-Kongreso en Salcburgo kaj en 1926 prezidanto de la Aŭstria Esperanto-Delegitaro (AED). Li gvidis multajn kursojn laŭ la Cseh-metodo. Enkondukis Esperanton kiel oficialan libervolan fakon en sia lernejo jam en 1922 kaj en 1928 fondis IKUE-grupon por studentoj kaj pastrokandidatoj. Verkis propran broŝuron Gvidlibro pri Salcburgo en 1924, Kantaron de la Esperanto-Grupo Salzburgo en 1930, kronikon de la Salcburga Esperanto-Grupo en 1931, kaj tradukis libreton de Hans Fingeller La Vero pri Suda Tirolo en 1926, kaj du proprajn enhavajn teatraĵetojn en 1922 kaj 1923. Serio de propagandaj teatraĵoj originalaj, prezentitaj okaze de Zamenhof-festoj; aldone estas aliaj priesperantaj tekstoj en manuskripto.