FC Barcelona | |||
---|---|---|---|
![]() | |||
futbala klubo • profesia sporta teamo • vira futbala teamo | |||
Kluba nomo | Futbol Club Barcelona | ||
Kromnomo | Barça (Mallonga por Barcelona) | ||
Fondita | 1899 | ||
Stadiono | Camp Nou Barcelono, ![]() | ||
Kapacito | 99.772 | ||
Prezidanto | ![]() | ||
Trejnisto | ![]() | ||
Ligo | La Liga | ||
2023-24 | 2-a pozicio | ||
Oficiala retejo | www.fcbarcelona.com | ||
| |||
Futbala Klubo de Barcelono, ankaŭ konata sub la neoficiala nomo Barça (IPA: /baɾsa/) estas kataluna sporta klubo, situanta en Barcelono, Katalunio, Hispanio. La klubo estas tre konata pro sia futbala teamo. Ĝi estis fondita en 1899 de grupo el svisaj, britaj kaj katalunaj sportistoj sub la gvido de Joan Gamper. La klubo fariĝis kvazaŭ-oficiala kataluna institucio, kio estas fiksita en ties slogano Més que un club (Pli ol klubo). La klubo estis unu el la fondintoj de La Liga en 1928, kaj kune kun Real Madrid kaj Athletic Bilbao estis forminta la Primera División (unuan kategorion). La klubo krome estis la unua ĉampiono de La Liga kaj en 1991-92 estis la unua venkinto de la eŭropa Ĉampiona Ligo.
La ĉefa stadiono de la klubo estas Camp Nou kaj admirantoj de la klubo estas konataj sub la nomo culés. En Septembro 2006 la kvanto de socis (membroj de la klubo) atingis 151.127, samtempe en Junio 2006 la kvanto de penyes (oficiale registritaj kluboj de admirantoj) atingis 1782 en la tuta mondo.
En la klubo ankaŭ ekzistas rezerva teamo, FC Barcelona B, teamo de junuloj FC Barcelona C kaj kvar aliaj sportaj teamoj, FC Barcelona Bàsquet aŭ Regal pri basketbalo, FC Barcelona handbol aŭ Intersport pri handbalo (manpilkado), FC Barcelona Futsal aŭ Alusport pri futsalo kaj FC Barcelona Sorli Discau pri rulhokeo kiuj partoprenas en respektivaj turniroj. Krome estas multaj eminentaj teamoj de sportaj amatoroj, kiuj partoprenas turnirojn pri rugbeo, virina basketbalo, virina futbalo and basketbalo por handikapitoj. Estas jenaj teamoj FCB Rugby, UB-Barça kaj FC Barcelona-Institut Guttman. Pliaj amatoraj teamoj reprezentas la klubon en atletiko, basbalo, biciklado, sketado, kaj volejbalo.
Dum la sezono 2005-06, FC Barcelona estis la dua plej riĉa sporta klubo en la mondo, kun proksimuma monturno de 259,1 milionoj da Eŭroj.