Back George Bernard Shaw Afrikaans ጆርጅ በርነርድ ሾ Amharic George Bernard Shaw AN جورج برنارد شو Arabic جورج برنارد شو ARZ জৰ্জ বাৰ্ণাৰ্ড শ্ব Assamese George Bernard Shaw AST George Bernard Shaw AVK George Bernard Shaw Aymara Corc Bernard Şou Azerbaijani
George Bernard SHAW [ĝoĝ bened Ŝo], en esperanto Georgo Bernardo ŜAVO[1] (naskiĝis la 26-an de julio 1856 en Dublino, mortis la 2-an de novembro 1950 en Ayot Saint Lawrence) estis irlanda anglalingva verkisto kaj filozofo. En 1925 li ricevis la nobel-premion pri literaturo.
Liaj verkoj parte estis uzitaj por krei muzikaĵojn, kiujn li ne nepre ŝatis. Kiam Oscar Straus kaj Leopold Jacobson verkis opereton "La brava soldato" (germane Der tapfere Soldat) surbaze de "Arms and the Man" ("Bataliloj kaj la viro") de Shaw, tiu ĉi rifuzis sian konsenton kaj fine akceptis nur je la kondiĉo, ke la opereto havu la subtitolon "senpermesa parodio de Arms and the Man de s-ro Bernard Shaw". Post lia morto lia dramo Pygmalion estis la bazo de la muzikalo My Fair Lady - kun tute nova fino, kiun li en sia postparolo al Pygmalion jam rifuzis.
Shaw ne ŝatis la komplikan ortografion de la angla lingvo kaj heredigis parton de sia mono al fondaĵo nomata Shavian Alphabet (Ŝava alfabeto), kiu reformu la skribon de la angla.
Ŝavo subtenis vegetarismon:
"Dum ni estas mem vivaj tombujoj de murditaj bestoj, kiel povas ni esperi idealajn vivkondiĉojn sur ĉi Tero?"
"Bestoj estas miaj amikoj kaj mi ne manĝas miajn amikojn"
"La vivodaŭreblo de viandmanĝanto estas 63 jaroj. Mi proksimas al 85 kaj laboras tiom multe, kiom antaŭe. Mi vivis sufiĉe longe kaj mi provas morti, sed mi simple ne sukcesas. Sola bovatranĉaĵo finus min, sed mi ne povas konvinkiĝi gluti iun. Teruras min la ideo vivi por ĉiam. Jen la nura malavantaĝo de vegetara nutrado."[2]
- ↑ Vd en «Bernardo Ŝavo kaj Esperanto Arkivigite je 2017-02-06 per la retarkivo Wayback Machine».
- ↑ Arkivita kopio. Arkivita el la originalo je 2014-10-26. Alirita 2014-09-09.