Back مضيق جورجيا Arabic Estrechu de Georgia AST Corciya boğazı Azerbaijani Праліў Джорджыі Byelorussian Джорджия (проток) Bulgarian Strizh-mor Georgia Breton Estret de Geòrgia Catalan Strait of Georgia (agianan sa Tinipong Bansa) CEB Strait of Georgia Czech Georgiastrædet Danish
| Georgia Markolo | ||
|---|---|---|
 | ||
| markolo [+] | ||
| Akvejo | Pacifiko | |
| Koordinatoj | 48° 49′ 53″ N, 122° 56′ 41″ U (mapo)48.831388888889-122.94472222222Koordinatoj: 48° 49′ 53″ N, 122° 56′ 41″ U (mapo) | |
| Longo | 240 km (149 mi) | |
| Minimuma larĝo | 25 km (16 mi) | |
|
||
 |
||
| Georgia Markolo | ||
 Vikimedia Komunejo: Strait of Georgia [+] |
||
La Georgia Markolo estas 240 kilometrojn longa markolo inter Vankuvera Insulo (kaj la apuda Golf-Insularo) kaj la ĉeftero de Brita Kolumbio. Ĉe la suda finaĵo ĝi kuniĝas kun la Puĝeta Fjordo kaj la Markolo Juan de Fuca, dum ĉe la norda finaĵo ĝi kuniĝas kun la Jonstona Markolo.
Pluraj gravaj insuloj troviĝas en la Georgia Markolo, la plej granda el ili Insulo Texada kaj Insulo Lasqueti. La markolo estas grava navigejo je la okcidenta marbordo de Nordameriko pro la tiea ĉeesto de la haveno de Vankuvero. La du plej uzataj ŝipvojoj de Pramoj de Brita Kolumbio transiras la Markolon, ligante Tsawwassen (sude de Vankuvero) kun Swartz Bay (norde de Viktorio) kaj Horseshoe Bay (norde de Vankuvero) kun Nanaimo.
Indiĝenaj nacioj loĝas ambaŭflanke de la markolo jam dum jarmiloj, sed la unua eŭropano kiu ĝin esploris estis Jose Maria Narvaez de Hispanio, kiu alvenis en 1791. La markolo ricevis sian nunan nomon (en la formo "Georgia Golfo") de George Vancouver de Britio en 1792 dum liaj granda esplorvojaĝo laŭ okcidenta marbordo de Nordameriko.
Inter la urboj kaj urbetoj ĉe la bordoj de Georgia Markolo estas Courtenay/Comox, Qualicum Beach, Parksville, Lantzville kaj Nanaimo okcidente kaj Powell River, Sechelt, Gibsons, kaj Aglomeraĵo Vankuvero oriente. Sude de la landlimo en Usono, Bellingham (Vaŝingtonio) kaj aliaj komunumoj ankaŭ kuŝas je la orienta bordo de la Georgia Markolo. Aliaj komunumoj sur Vankuvera Insulo (kiel Duncan) kaj la ĉeftero estas apartigitaj de Georgia Markolo per insuloj aŭ estas sufiĉe sude ke oni konsideras ilin en Puĝeta Fjordo.
La Georgia Marolo estas konata kiel bonega loko por akvopulma plonĝado.
En la malfruaj 1960-aj jaroj la (anglalingva) nomo de la Georgia Malkolo donis sian nomon al la alternativa gazeto de Vankuvero, The Georgia Straight, kiu daŭre eldoniĝas depost tiam.