Gers

Gers
departemento de Francio
Administrado
Lando	Francio
Regiono	Okcitanio
Numero	32
Prefektejo	Auch/Aush
Subprefektejoj	Condom/Condòm Mirande/Miranda
Prezidanto de la departementa konsilio	Philippe Dupouy (ekde 2021)
Prefekto	Laurent Carrié (ekde aŭgusto 2023)
Statistikaĵoj
Loĝantaro	192 437 (2021)
Areo	6 257 km²
Loĝdenso	31 /km²
Subdividoj
Arondismentoj	3
Kantonoj	17
Komunumaroj	25
Komunumoj	462
v • d • r

Gers, jen france, prononco [ʒɛʁ(s)], do [ĴER aŭ ĴERS], same skribita okcitane, estas unu el la departementoj de la franca regiono Okcitanio. Ĝi sekvas la malnovajn limojn de la provinco Armagnac. Ĝi etendiĝas sur 6 257 km² kaj havis 190 276 loĝantojn en 2013^[1]. Ĝia ĉefurbo estas Auch [oŝ], jen france, okcitane Aush. La departemento enhavas 462 komunumojn. En Esperanto proponatas la nomo Ĝersio por la departemento kaj Auĉo por la ĉefurbo.^[2]

Gers estas agrikultura departemento (cerealoj) kie larĝaj valoj kaj malaltaj montetoj formas la pejzaĝon. La plejparto de tiuj valoj etendiĝas norde-suden.

Gers estas ankaŭ granda gastronomia departemento en Francio, aparte fama pro siaj specialaĵoj el anasaĵo: confit kaj grashepataĵo.

1. ↑ Insee. Chiffres clés : Département du Gers (32) (france). Alirita 8-an de septembro 2013.
2. ↑ Laŭ Esperanta mapo de Eŭropa franclingvio de la franclingva SAT-Amikaro, arkivigita laŭ stato de julio 2021