Harry Belafonte | |||||
---|---|---|---|---|---|
Harry Belafonte en 2011
| |||||
Bazaj informoj | |||||
Naskonomo | Harold George Bellanfanti, Jr. | ||||
Naskiĝo | 1-an de marto 1927 en Harlemo | ||||
Morto | 25-an de aprilo 2023 (96-jaraĝa) en Supra Okcidenta Flanko | ||||
Ĝenroj | Kalipso | ||||
Profesio | kantisto, aktoro | ||||
Aktivaj jaroj | 1948 - | ||||
Eldoninto | u | ||||
| |||||
Persona informo | |||||
Naskonomo | Harold George Bellanfanti | ||||
Aliaj nomoj | Raymond Bell | ||||
Mortokialo | Kora malsufiĉo ![]() | ||||
Lingvoj | angla | ||||
Loĝloko | Supra Okcidenta Flanko | ||||
Ŝtataneco | Usono Jamajko ![]() | ||||
Alma mater | Wolmer's Schools (en) ![]() George Washington Educational Campus (en) ![]() La Nova Lernejo ![]() | ||||
Memorigilo ![]() | |||||
Familio | |||||
Infanoj | Shari Belafonte, David Belafonte, Gina Belafonte ![]() | ||||
Okupo | |||||
Okupo | kantisto filmproduktoro televida aktoro plenuma produktoro politika aktivisto dancisto teatra aktoro kantoverkisto pacaktivisto aktoro diskografa artisto amuzisto aktivisto de civilaj rajtoj filmaktoro ![]() | ||||
Verkoj | Calypso Banana Boat (Day-O) | ||||
Harold George Belafonte (naskiĝis en Harlem la 1-an de marto 1927, mortis la 25-an de aprilo 2023 en Manhatano[1]) estis usona kantisto kaj aktoro. Li ricevis la kromnomon "Reĝo de Kalipso", ĉar pro li la kalipsomuziko internacie konatiĝis. Pliposte li ankaŭ ekkantis kristnaskajn kantojn. Antaŭ ĉio li konatiĝis pro lia plej granda furorkanto, Banana Boat Song (Bananboata kanto), kaj pro lia laboro kiel ambasadoro de Unicef.
Li naskiĝis en Novjorko, kie li elkreskis en la kvartalo Harlem. De 1935 ĝis 1939 li vivis kun sia patrino en ties gepatra lando Jamajko. Post reveno al Novjorko Belafonte trapasis la George Washington-mezlernejon. Sekve li servis en la usona mararmeo dum la Dua Mondmilito. Je la fino de la 1940-aj jaroj li sekvis lecionojn en aktorado.
Belafonte edziĝis en 1948 kun Marguerite Byrd, ili havis du filinojn (Adrienne kaj Shari) kaj divorcis en 1957. En 1957 li edziĝis kun Julie Robinson, kaj havis filon kaj filinon (David kaj Gina). En aprilo 2008 li edziĝis kun Pamela Frank.
En la komenco de la 1950-aj jaroj li frutempe aniĝis de la movado por civilaj rajtoj. Belafonte estis konfidenculo de Martin Luther King. Kiam li en 1968 aperis en televido-spektaklo de Petula Clark, ŝi dum la kantado momente ridis kaj tuŝis la brakon de Belafonte. Malgraŭ protestoj de la sponsoro Plymouth Motors la spektaklo tamen elsendiĝis. Estis por la unua fojo, je la usona televido, ke videblis homoj de malsamaj rasoj kiuj amike tuŝis unu la alian.
Belafonte estis en 1985 unu el la organizantoj de la kanto We are the world (Ni estas la mondo) de USA for Africa (Usono por Afriko); klopodo de multaj artistoj por kolekti monon por Afriko. Ĝi estis surscenigita en la Live Aid konĉerto de tiu jaro. En 1987 li nomumiĝis al bonvolo-ambasadoro de Unicef.
Belafonte konatiĝis pro siaj maldekstre politikaj ideoj. Indikante la faman citaĵon de Malcolm X li nomis Colin Powell kaj Condoleezza Rice en 2002 "hejmsklavoj" ĉar ili ne ribelis kontraŭ la decido de George W. Bush por komenci militon kontraŭ Irako. En 2005 li nomis la nigrajn respublikanojn "tiranoj" kaj komparis la membrojn de la registaro-Bush kun nazioj.