![]() | ||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|
![]() Formo kaj grando kompare al averaĝa homo
| ||||||||||||||||||||
Biologia klasado | ||||||||||||||||||||
| ||||||||||||||||||||
![]() | ||||||||||||||||||||
Aliaj Vikimediaj projektoj
| ||||||||||||||||||||
La Hektora delfeno (Cephalorhynchus hectori) estas la plej bone konata el la kvar delfenoj de la genro Cephalorhynchus kaj, kun sia subspecio delfeno Maui, estas la nura cetaco endemia de Novzelando. Proksimume 1.4 m longa, ĝi estas unu el la plej malgrandaj cetacoj.
Estas du subspecioj: C. h. hectori, nome la plej multnombra subspecio, troviĝas ĉirkaŭ la Suda Insulo, dum la tre draste endanĝerita Delfeno de Maui (C. h. maui) troviĝas ĉe la nordokcidenta marbordo de la Norda Insulo.[1] La Hektora delfeno estas la plej malgranda kaj plej rara delfeno en la mondo.[2] La Delfeno de Maui estas unu el la ok plej endanĝeritaj grupoj de cetacoj. Esplorado de 2010/2011 pri la Delfeno de Maui fare de la Novzelanda Departemento de Konservado ĉirkaŭkalkulis ke restas nur 55 plenkreskuloj.[3]
La Hektora delfeno estis nomita laŭ Sir James Hector (1834–1907), kiu estis kuratoro de la Kolonia Muzeo en Wellington (nuntempe Muzeo de Novzelando Te Papa Tongarewa). Li ekzamenis la unuan specimenon trovita de tiu delfeno. La specio estis poste science priskribita de la Belga zoologo Pierre-Joseph van Beneden en 1881.
Maoriaj nomoj de la Hektora delfeno kaj de la Mauia delfeno estas tutumairekurai, tupoupou kaj popoto.