Hidroksido (kunmetaĵo de hidr- el la greka ὕδριος, húdrio, kies signifo estas "akvo" kaj "oksido") estas kemia kombinaĵo (kun HO- jono) konsistanta el metalo, oksigeno kaj hidrogeno, el kiuj la du lastaj formas jonan grupon. Hidroksidoj havas la ĝeneralan formulon M(OH)n, kie M estas iu metalo kaj n estas la nombro de hidroksidaj jonoj en ĉiu molekulo.
Ĉiuj hidroksidoj estas bazoj laŭ Arrhenius. Ili povas ekesti el kombiniĝo de akvo kaj baza oksido. Ekzemple natria hidroksido ekestas el akvo kaj natria oksido:
H2O + Na2O → 2 NaOH
Ekzemplo de hidroksido kun du HO-grupoj estas kalcia hidroksido, Ca(OH)2.