La Internacia Flughaveno Murtala Muhammed, en angla Murtala Muhammed International Airport (MMIA)[1] (IATA: LOS, ICAO: DNMM) estas internacia flughaveno en Ikeja, Ŝtato Lagoso, Niĝerio, kaj estas la ĉefa flughaveno en la tuta ŝtato. La flughaveno estis dekomence konstruita dum la Dua Mondmilito kaj estas nomita laŭ militistestro Murtala Muhammed, nome la kvara militista reganto de Niĝerio.
29 flugkompanioj de pasaĝeroj funkcias el tiu flughaveno al 34 urboj en Afriko kaj al 11 aliaj urboj el aliaj kontinentoj. En 2017 estis 5 367 234 pasaĝeroj. Dek flugkompanioj funkciigas kargo-servojn.