Internacia Junulara Kongreso

Tiu ĉi artikolo temas pri Internacia Junulara Kongreso. Por aliaj signifoj de la mallongigo IJK, bonvolu rigardi IJK (apartigilo).

Ne konfuzu ĉi tiun artikolon kun Internacia Junulara Festivalo.

IJK
Nomo	Internacia Junulara Kongreso
Regiono	Mondo
Periodo	Julie-aŭguste
Organizanto	TEJO kaj (ĉiam alia) loka organizanto
Ekzistas ekde	1938
Celgrupo	Junularo kaj junaj familioj
Informa retpaĝo	plusendilo al la aktuala IJK-paĝo, informoj
v • d • r

La Internacia Junulara Kongreso (IJK) estas la oficiala ĉiujara kongreso de TEJO kaj kutime fariĝas la plej granda junulara esperanto-renkontiĝo de la jaro en la mondo. Ĝi okazas tradicie dum unu semajno en julio aŭ aŭgusto, ofte tuj antaŭ aŭ post la UK, kaj normale ĉeestas ĝin ĉirkaŭ 300 junuloj. La 43-a IJK okazinta en 1987 en Krakovo atingis la rekordan nombron de pli ol 1000 kongresanoj.

Pri la organizado de la IJK decidas la estraro de TEJO post invito fare de landa sekcio aŭ alia esperanto-organizo kaj la rezulton oni anoncas ĉiam printempe de la antaŭa jaro. La 1-a IJK (ankoraŭ sub nomo Internacia Junular-Kunveno) okazis en 1938 en Groet (Nederlando).

Pro la Kronvirusa pandemio de 2019-2021 en 2020 la IJK okazis tra reto, (en 2020 estis planita ke ĝi okazu en Someren, Nederlando ^[1]). La IJK 2021 devis okazi en Kievo, en Ukrainio, dum la somero de 2021. ^[2]

1. ↑ « IJK 2020 okazos nur en la reto », Libera Folio
2. ↑ https://www.liberafolio.org/2020/07/18/la-sekva-ijk-okazos-en-ukrainio/