Juglando (genro)

Juglando
Reĝa juglando
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonoj Magnoliopsida Ordo: Fagaloj Fagales Familio: Juglandacoj Juglandaceae Genro: Juglans L.
Specioj
Vidu tekston
Aliaj Vikimediaj projektoj
Sistematiko en Vikispecioj
Komunejo pri Juglando
v • d • r

Juglando^[1], juglandarbo^[2], juglandujo^[3] (science: Juglans) estas genro de falfolia, unuseksa arbo kun grandaj, pinataj duope kontraŭesidantaj, tre aromaj folioj. La stamenaj floroj staras en amento, la ina floro en fasko. La frukto evoluas el sube staranta ovario, kiu estas drupo kun ekstere verda, karneca, tavolo defalanta je maturiĝo. La verda kovraĵo evoluas ankaŭ el perigonio kaj hipsofolioj (folioj kreskantaj super la foliaro). Tiu arbo devenas el Malgrand-Azio.

La vorto juglando devenas el la latina Jovis glans, «jupitera glano».

• nigra juglando (Juglans nigra) estas arbo el Nordameriko kun plaĉa malhela trunkoŝelo kaj ligno uzata por meblofabrikado, kultivata en parkoj.
• reĝa juglando (Juglans regia) estas fruktoarbo multe kultivata pro la valora nukso, kies manĝebla kerno konsistas ĉefe el du grandaj karakterize falditaj kotiledonoj.

1. ↑ juglando en vortaro.net
2. ↑ juglandarbo en vortaro.net
3. ↑ juglandujo en vortaro.net