Kanono (muziko)

En muziko, kanono estas formo de polifonio, kie la temo de unu voĉo estas imitata de unu aŭ pluraj pliaj voĉoj post difinita tempospaco.

En la esperanta muziko, kanonoj populaririĝis i.a. pro la muzikgrupo Kajto, kiu en siaj koncertoj ofte igas la publikon kunkanti kanonojn. Tiucele Kajto dividas sin kaj la publikon en du ĝis kvar grupojn. La unua grupo komencas, kaj kiam ĝi ekkantas la duan verson de la kanto, la dua grupo ekkantas la unuan verson ktp. Ĉar post la lasta verso ripetiĝas la unua, la kanonoj de Kajto estas t.n. rondaj kanonoj aŭ ĉenkantoj.