Kapsiko

Kapsiko
Capsicum chinense
Biologia klasado
Regno: Plantoj Divizio: Magnoliofitoj Klaso: Magnoliopsidoj Subklaso: Asteracoj Ordo: Solanaloj Familio: Solanacoj Genro: Kapsiko L.
Specioj
C. annuum C. frutescens C. chinense C. pendulum C. pubescens C. minimum C. baccatum C. abbreviatum C. anomalum = Turbocapsicum anomalum C. breviflorum C. buforum C. brasilianum C. campylopodium C. cardenasii C. chacoense C. ciliare C. ciliatum C. chlorocladium C. coccineum C. cordiforme = C. annuum C. cornutum C. dimorphum C. dusenii C. exile C. eximium C. fasciculatum C. fastigiatum = C. frutescens C. flexuosum C. galapagoensis C. geminifolum C. hookerianum C. lanceolatum C. leptopodum C. luteum C. microcarpum C. minutiflorum C. mirabile C. parvifolium C. praetermissum C. schottianum C. scolnikianum C. stramonifolium = Witheringia stramonifolia C. tetragonum C. tovarii C. villosum C. violaceum
Aliaj Vikimediaj projektoj
Sistematiko en Vikispecioj
Komunejo pri Kapsiko
v • d • r

Kapsiko (science: Capsicum) estas genro de plantoj de la Beladono-familio (Solanacoj). Ankaŭ la frukto de kapsiko nomiĝas kapsiko aŭ kapsikofrukto. Ĝi povas havi mildan aŭ akran guston. Ĝi estas uzata kiel legomo, kiel sekigita pulvorigita spico (nomata papriko) kaj kiel medikamento.

La akreco de la akraj kapsikoj estas kaŭzata de la lipideca kemiaĵo kapsaicino. Origine paprikoj ĉiam enhavis tion por ne esti manĝataj de mamuloj. Birdoj ne sentas la akrecon kaj portas la semojn pli foren ol mamuloj povus fari, kio estis evolua avantaĝo de la kapsiko. Nur post sia ekkultivado fare de homoj certaj specoj de kapsiko perdis sian akrecon, ĉar homoj ne ĉiam ŝatis ĝin.

La milda kapsiko kutime estas granda kaj larĝa, kun sufiĉe multe da aero interne. La akra kapsiko aliflanke kutime estas malgranda aŭ almenaŭ maldika.

Kapsikoj povas esti verdaj, ruĝaj, flavaj aŭ oranĝkoloraj depende de kiam oni rikoltas ilin. La verdaj fruktoj kutime estas nematuraj.