Korfuo

Korfuo
insulo [+]
Ĝemelurboj Verono, Latakio, La Baule-Escoublac, Gold Coast, Meißen, Troisdorf, Bari, Brindizio [+]
Akvejo	Ionia maro, Mediteraneo
Koordinatoj	39° 36′ N, 19° 52′ O (mapo)39.619.87Koordinatoj: 39° 36′ N, 19° 52′ O (mapo)
Plej alta punkto	Mount Pantokrator [+]
- alteco	906 m [+]
Akvokolektejo	626 km² (62 600 ha) [+]
Areo	626 km² (62 600 ha) [+]
Loĝantaro	100 854 [+] (2011)
Horzono	UTC+02:00, UTC+03:00 [+]
Poŝtkodo	490 82, 490 83, 490 84, 491 00 [+]
DEC
Korfuo
Vikimedia Komunejo:  Corfu [+]
En TTT: Oficiala retejo [+]
v • d • r

Korfuo (greke Κέρκυρα Kerkira) estas insulo de Grekio en la Ionia Maro, kun ĉirkaŭ 114 000 loĝantoj (2004). Ĝi ĝis administra reformo de 2010 kun la najbaraj insuletoj konsistigis la provincon Korfuo, kiu ekde 2011 nomatas regiona distrikto Kerkira aŭ Korfuo.

Ĝi situas en sama latitudo kiel la albana–greka limo, antaŭ la bordoj situas Epiro. Ĝi longas ĉirkaŭ 55 km, larĝas ĉirkaŭ 25 km, havas la areon de 593 km². La insulo konsistas el kalkoŝtono, la norda surfaco estas montara-vala dum la suda ebenaĵa. Ĝia plej alta pinto estas la Pandokrator-monto (906m), situanta nordoriente.

Korfuo estas bone provizita per akvo, la grundo estas produktema, oni kultivas tie olivarbon, figon, oranĝon, citronon, vinberon, migdalon kaj maizon.

La ĉefaj eksportaj produktoj estas la olivoleo, fruktoj, grenoj kaj vino. La industrio produktas safon kaj teksaĵon.

Sur orienta duoninsulo de la insulo situas la plej granda haveno, administra centro Kerkira.