Kristoforo Kolumbo

Tiu ĉi artikolo temas pri la eŭropa navigisto Kristoforo Kolumbo. Laŭ li estis nomitaj la valutoj de Kostariko kaj ĝis 2001 ankaŭ de de Salvadoro - la kostarika kolumbo kaj salvadora kolumbo.

Kristoforo Kolumbo
Oleopentraĵo sur tolo de Sebastiano del Piombo, 1519, (Novjorko, Metropolitan Museum).
Persona informo
Naskonomo	Christophorus Columbus
Naskiĝo	30-an de novembro 1450 (1450-11-30) en Ĝenovo,  Ĝenova Respubliko
Morto	20-an de majo 1506 (1506-05-20) (55-jaraĝa) en Valadolido, Reĝlando Kastilio,  Reĝlando de Kastilio
Mortokialo	Kora malsufiĉo
Tombo	Sankta Metropola kaj Patriarka Katedralo de Sankta Maria de la Sidejo de Sevilo
Lingvoj	hispana • itala
Ŝtataneco	Ĝenova Respubliko
Subskribo
Familio
Patro	Domenico Colombo (en)
Patrino	pep (en)
Frat(in)oj	Bartolomeo Kolumbo kaj Diego Colombos (en)
Edz(in)o	Filipa Moniz (1479–)
Amkunulo	Beatriz Enríquez de Arana
Infanoj	Hernando Colón  ( Beatriz Enríquez de Arana) Diego Colón  ( Filipa Moniz)
Okupo
Okupo	esploristo vojaĝisto seafarer (en) maristo inventisto
v • d • r

Kristoforo KOLUMBO (30-an de novembro 1450 - 20-an de majo 1506) estis eŭropa navigisto kiu ludis gravan rolon en la nomita Malkovro de Ameriko, nome la unuaj historie registritaj kontaktoj de eŭropanoj kun amerikaj indiĝenoj.

Liaj esplorvojaĝoj poste konsciigis la eŭropanojn pri la ekzisto de Ameriko, sed pro pluraj kialoj estas neĝuste nomi lin la malkovranto de Ameriko. Ĉiukaze ja li iĝis mapisto, admiralo, vicreĝo kaj ĝenerala guberniestro de la "Okcidentaj Indioj". Kvankam tre probable li ne estis la unua eŭropa esploristo de Ameriko, oni konsideras lin la malkovranto de nova kontinento — pro tio nomita Nova Mondo — por Eŭropo, ĉar li ja estis la unua kiu markis itineron por iro kaj reveno tra la Atlantiko kaj diskonigis la novaĵon (certe pro ekonomiaj interesoj). Tio definitive puŝis la mondan etendon de la eŭropa civilizo, kaj la konkeron kaj koloniigon de la nova kontinento fare de kelkaj eŭropaj potencoj.

Lia homnomo estas ikono tutmonde kiu inspiris sennombrajn nomigojn, kiaj tiu de unu lando: Kolombio,^[1] kaj tiuj de du regionoj de Nordameriko: nome la Brita Kolumbio, en Kanado, kaj la Distrikto Kolumbio, en Usono.

1. ↑ [1] Acerca de Colombia. Orgullo Colombiano www.colombia.com Alirita la 6-an de januaro de 2008; Etimología de Colombia www.etimologias.dechile.net Alirita la 6-an de januaro de 2008; [2] Arkivigite je 2008-02-16 per la retarkivo Wayback Machine La Gran Colombia www.simon-bolivar.org Alirita la 6-an de januaro de 2008.