Lebesby - jen norvege, en la norda samea Davvesiida kaj en la kvena Lebespyy - estas komunumo de Norvegio. Ĝi ĝis la jaro 2019 situis en malnova departemento (norvege fylke) Finnmark kaj ekde la komenco de la jaro 2020 apartenas al tiam kreita, unuigita departemento Troms kaj Finnmark. Laŭ la stato de 2023 en la komunumo vivis 1 226 loĝantoj sur areo de 3 459,42 kvadrataj kilometroj, kio rezultigas loĝdenson de 0,4 loĝantoj/km². Administra centro de la komunumo estas la loĝloko Kjøllefjord, kaj komunumestro estas Sigurd Kvammen Rafaelsen.
La teritorio havas komunan limon kun la najbaraj komunumoj Nordkapp, Gamvik, Tana kaj Porsanger. La departamenta ĉefurbo Tromsø per aŭta vojo, pro la fjorda kaj montara pejzaĝo iom kurba kaj tial pli longa ol la linia distanco, de la komunuma ĉefloko situas en distanco de 785 kilometroj.