Henry John Temple, 3a Vicgrafo PALMERSTON, OĜ, OB, membro de la Privata Konsilantaro (20a de oktobro 1784 – 18a de oktobro 1865) estis britia ŝtatestro kiu estis dufoje ĉefministro de la Unuiĝinta Reĝlando meze de la 19a jarcento. Populare kromnomita "Pam",[1] li estis en registara posteno preskaŭ konstante el 1807 ĝis sia morto en 1865, ekinte sian parlamentan karieron kiel mebro de la Konservativa Partio kaj konklude kiel liberalo.
Li estas plej bone rememorita pro sia estreco de la brita eksterlanda politiko tra periodo kiam Britio estis je la pinto de sia povo, kiam li iĝis kaj Sekretario por Eksterlandaj Aferoj kaj ĉefministro. Kelkaj el liaj agresemaj agadoj, nune foje konsideritaj liberala intervenismo, estis tre polemikaj tiam, kaj tio restas ankoraŭ nuntempe. Li estis la ununura ĉedfministro pli ol 70jaraĝa je la komenco de sia unua regotempo kaj estas la plej ĵusa britia ĉefministro mortinta dumpostene.