Mateo (teo)

Mateo (gvaranie ka’ay, hispane mate aŭ yerba mate) estas speco de infuzata trinkaĵo farita el matea herbo, kutime konsumata varma, speciale populara en Sud-Ameriko. Mateo enhavas stimulajn substancojn, i. a. kafeinon kaj kelkajn aliajn. Mateo estas agnoskata kiel pli milda stimula trinkaĵo ol kafo aŭ teo, sed seriozaj esploroj pri la temo ankoraŭ ne estas faritaj.

Tradicia konsumado de varmega mateo grandigas riskon de kancero, kvankam, laŭ aliaj esploroj, mateo enhavas kontraŭkancerajn substancojn^[1].

1. ↑ Mate (IARC Summary & Evaluation). International Agency for Research on Cancer (1991)