Matteo Carreri

Sankta
Matteo Carreri
Persona informo
Naskiĝo	15-an de novembro 1420 (1420-11-15) en Mantova
Morto	5-a de oktobro 1470 en Vigevano
Religio	katolika eklezio vd
Profesio
Okupo	ordenfrato vd
Sanktulo
Beatigo	1625 de Urbano la 8-a
Festotago	5-a de oktobro
Patroneco	Vigevano
vd	Fonto: Vikidatumoj
v • d • r

Matteo Carreri (naskiĝinta kiel Giovanni Francesco Carrieri en 1420 en Mantova, mortinta la 5-an de oktobro 1470 en Vigevano) estis itala katolika pastro, dominikano.

Carreri, ano de nobela familio^[1], aniĝis en la dominikana ordeno en 1440 en sia naskiĝurbo, alprenante la nomon Matteo. Li trairis Italion kiel predikisto. Li mortis en Vigevano, kie li estis entombigita en la preĝejo de Petro de Verono. La katolikaj urbanoj konsideras lin protektanto de la urbo.

Laŭ legendo Carreri estis, vojaĝante per ŝipo de Ĝenovo al Pisa, kaptita de piratoj. Kiam tiuj liberigis lin, li proponis resti anstataŭ du aliaj kaptitoj, virino kun sia filino. Pri la sukceso de tiu propono estas malsamaj versioj^[2].

Laŭ sia hagiografio Carreri je la 5-a de oktobro 1470 petis de sia superulo la permeson morti; ricevinte ĝin li mortis. En 1482 papo Siksto la 4-a permesis la kultadon de Carreri en la urbo Vigevano, kiu en 1518 proklamis lin kunpatrono de la urbo^[1] (kun Ambrozio de Milano). En 1625 papo Urbano la 8-a beatigis Matteon Carreri.

1. ↑ ^{1,0 1,1} Santi e Beati
2. ↑ vidu la nederlandan kaj la anglan vikipediojn