Michelle PFEIFFER (naskiĝis la 29-an de aprilo 1958 en Santa Ana, Kalifornio) estas usona aktorino kaj kantistino.
Post kelkaj sukcesoj en beleckonkursoj sekvis varbofilmetoj kaj malgrandaj roloj en televidaj produktaĵoj kaj filmoj. Ŝi famiĝis en la jaro 1982, per rolo en la filmigita muzikalo Grease 2. En sia posta kariero ŝi trifoje estis nomumita por la Oskaro kaj kvinfoje por la Golden Globe, kiun ŝi unufoje gajnis.
En 1981 ŝi edziniĝis al la aktoro Peter Horton, sed la paro disiĝis. En 1993 ŝi adoptis knabinon kaj poste edziniĝis al la produktoro David E. Kelley. Unu jaron poste naskiĝis filo.