Monica Bleibtreu

Monica Bleibtreu
Persona informo
Naskiĝo	4-an de majo 1944 (1944-05-04) en Vieno,  Aŭstrio
Morto	13-an de majo 2009 (2009-05-13) (65-jaraĝa) en Hamburgo,  Germanio
Mortokialo	Pulma kancero
Tombo	tombejo Ohlsdorf
Lingvoj	germana
Ŝtataneco	Aŭstrio
Familio
Patro	Renato Attilio Bleibtreu (en)
Frat(in)o	Renate Bleibtreu (en)
Edz(in)o	Hans-Peter Korff (en)
Infano	Moritz Bleibtreu
Okupo
Okupo	teatra aktoro filmaktoro universitata instruisto scenaristo
v • d • r

Monica BLEIBTREU [monika blajbtroj] (naskiĝis la 4-an de majo 1944 in Vieno; mortis la 14-an de majo 2009 en Hamburgo) estis aŭstra aktorino, profesorino pri aktorado kaj scenaristino.

Kiel filino de teatra reĝisoro ŝi jam kiel infano agadis sursceneje. Ŝi studis aktoradon en la fama Viena Max-Reinhardt-Seminar kaj poste dum pluraj jaroj laboris nur en teatroj. En la jaro 1971 ŝi unuafoje aperis en televida produktaĵo, samjare naskiĝis ŝia filo Moritz. Krome ŝi plu agadis teatre en Berlino, Munkeno kaj Vieno.

De 1993 ĝis 1998 Monica Bleibtreu estis profesorino pri aktorado en la Hamburga altlernejo por muziko kaj teatro (Hochschule für Musik und Theater).

En la jaro 2002 ŝi gajnis diversajn premiojn, interalie la Grimme Preis pro la rolo de Katia Mann en la filmo Die Manns - ein Jahrhundertroman. En oktobro 2005 ŝi gajnis la premion Deutscher Fernsehpreis ein la kategorio «plej bona aktorino» pro la filmo Marias letzte Reise. En majo 2007 ŝi gajnis la saman premion pro rolo en la filmo 4 Minuten.

Monica Bleibtreu mortis en la nokto de la 13-a al la 14-a de majo 2009, post plurjara lukto kontraŭ kancero.