PDK

Partio Demokratia de Kurdio
پارتی دیموکراتی کوردستان Partiya Demokrat a Kurdistanê
partio
Lando	Irako
prezidanto	Massoud Barzani
Fondiĝo	16-a de aŭgusto 1946
Fondintoj	Mustafa Barzani
Ĉefa sidejo	Ankawa
Ideologio	kurda naciismo, popolismo, konservativismo, Konservativa liberalismo, regionismo
Iraka Parlamento	25 / 329
Parlamento de Regiono Kurdio	45 / 111
Retejo	www.kdp.info
v • d • r

PDK, Partio Demokratia de Kurdio – politika grupiĝo fondita en irana Kurdio en 1946 de Mustafa Barzani kaj ligita kun lia influa klano. Nuntempe la partion gvidas lia filo Massoud Barzani.

Ĝiaj ĉefaj influoj fokusiĝas en landlimanta kun Turkio nord-okcidenta parto de la iraka Kurdistano. En 1992 en libera balotado al la 102-loka kurda Nacia Asembleo ĝi gajnis 50 mandatojn.

Ĝi rivalas kun porirana PUK (partio) de Ĝalal Talabani. En 1995 en liberigita de la regado de Saddam Hussein la norda parto de Irako okazis fratecaj bataloj inter ambaŭ partioj, kion provis profiti iraka armeo kaj armeoj de la apudaj ŝtatoj, kiuj eniris al la iraka Kurdistano.

Interpaciĝo de ambaŭ kurdaj partioj permesis krei praktike sendependan zonon en la norda Irako, estrata de la kurdoj mem. En 2005, post la dua milito en la Persa golfo, kreiĝis porbalota koalicio nomata Demokratia-Patriota Alianco de Kurdistano, kiu decide venkis en lokaj balotoj al Kurda Asembleo en 2005 kaj gajnis 75 lokojn en la iraka Nacia Asembleo en bojkotita de sunaistoj balotoj de la sama jaro.

En ties subordigitaj taĉmentoj de milico servas 50 mil peŝmergoj. Ĝin kompletigas la sama kvanto de rezervistoj.