Proteo

Proteo
Proteoj en Kavo Postojna, Slovenio
Biologia klasado
Regno: Bestoj Animalia Filumo: Ĥorduloj Chordata Klaso: Amfibioj Amphibia Subklaso: Lissamphibia Ordo: Kaŭdatoj Caudata Familio: Proteedoj Proteidae Genro: Proteus Specio: P. anguinus
Dunomo
Proteus anguinus Laurenti, 1768
Konserva statuso
Konserva statuso: Vundebla[1]
Subspecioj
Proteus anguinus anguinus Laurenti, 1768 Proteus anguinus parkelj Sket & Arntzen, 1994 (Vidu tekston)
Aliaj Vikimediaj projektoj
Sistematiko en Vikispecioj
Komunejo pri Proteo
v • d • r

La proteo aŭ homfiŝo (Proteus anguinus) estas amfibio kiu loĝas en karstaj subteraj akvoj de la Dinaraj Alpoj de la riverbazeno Soĉa ĉe Triesto en Italio tra suda Slovenio, sudokcidenta Kroatio, Hercegovino kaj Montenegro. Ĝi estas la ununura specio de la genro Proteus, la ununuraj eŭropaj specio kaj genro de la familio proteedoj, kaj la ununura eŭropa ĥordulo troglobito. Ĝi ricevas krom la nomon Proteo de la scienca latinlingva Proteus la nomojn "homfiŝo" (tradukita el la Slovena: Človeška ribica kaj el la Kroata: Čovječja ribica), Grota salamandro, aŭ blanka salamandro.^[2]

Tiu besteto estas elstara pro ties adaptiĝo al vivo en tuta malhelo de ties subtera medio. Ties okuloj atrofiiĝis, kaj pro tio estas blinda la proteo, dum la aliaj sensoj, ĉefe tiu de gusto kaj tuŝado, plilertiĝis kiel kompenso. Ĝi ankaŭ ne havas pigmenton en la haŭto. Kontraste kun aliaj amfibioj, la proteo estas tute akva, kaj reproduktiĝas kaj vivas sian tutan vivon sub akvo.^[3] Tio ebla pro ties larvaj karakteroj kaj pro ties eksteraj brankoj, kiujn ili pluhavas dum plenkreskuloj.

1. ↑ Arntzen et al (2004). Proteus anguinus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11 May 2006. Datenbazero inkluzivas mapon kaj pruvon kial la specio estas malaperanta.
2. ↑ Istria on the Internet - Proteus anguinus (Olm) Arkivigite je 2005-03-21 per Wikiwix. Retrieved on 7 June 2007.
3. ↑ Burnie D. & Wilson D.E. (eds.). (2001) Animal. Londono: DK, p. 61, 435. ISBN 0-7894-7764-5.