Reganto

Reganto (latine regere: direkti, gvidi, stiri, regi) estas estro de tribo, popolo, imperio aŭ lando. Aliaj esprimoj estas suvereno aŭ potenculo. Regantoj estas nomitaj ekzemple caro, sultano, imperiestro (imperatoro), reĝo, duko, aŭ pli ĝenerale: princo, monarĥo.

La vorto regento estas plej ofte uzata por reganto, kiu anstataŭante plenumas la ekzekutivon por alia leĝe agnoskita reganto, kiu ne povas regi, ekzemple pro malsano aŭ troa juneco (neplenaĝeco).