Ruslingva literaturo

Ruslingva literaturo estas la sumo de ĉiuj literaturaj verkoj verkitaj en Rusio kaj aliaj landoj en la rusa lingvo. Ĝis la 17-a jarcento, la plej granda parto de la literatura verko en Rusio estis en la eklezia slavona lingvo, sed kun la modernigo gvidita de Petro la Granda, kiu inkluzivis interalie reformojn en la cirila alfabeto por la rusa, literaturaj verkoj en la rusa lingvo komencis esti publikigitaj. La ligoj kun Eŭropo kaŭzis la aplikon de eŭropaj literaturaj ĝenroj al la aŭtentika rusa materialo.