Back Ernstige akute respiratoriese sindroom Afrikaans متلازمة تنفسية حادة وخيمة Arabic Síndrome respiratoriu agudu grave AST سارس AZB Цяжкі востры рэспіраторны сіндром Byelorussian Тежък остър респираторен синдром Bulgarian গুরুতর তীব্র শ্বাসযন্ত্রীয় রোগলক্ষণসমষ্টি Bengali/Bangla SARS BS Síndrome respiratòria aguda greu Catalan SARS CDO
SARSo, sarso aŭ saroso (de la angla: Severe Acute Respiratory Syndrome - SARS) aŭ sasoso (Severa Akuta Spira Sindromo - elp. SaSóSo - vidu ankaŭ pli malsupre 'Terminologio') estas netipa kronvirusa pneŭmonito kiu originale aperis en Ĉinio en 2003.
En majo 2003, 6234 homoj estis trafitaj de SARSo kaj 435 jam mortis.
En februaro 2003 informagentejoj maltrankvilige sciigis, ke en Gŭangdongo, la suda provinco de Ĉinio aperis amasaj okazoj de malsano, kiu similis gripon kaj ofte komplikiĝis en pneŭmoniton, eĉ en morton malgraŭ la kuracado.
Meze de marto multaj infektitoj estis jam registritaj en Honkongo, Vjetnamio kaj baldaŭ en Singapuro. La infekto plej intense disvastiĝis en malsanulejoj, hoteloj, flughavenoj, stacidomoj, multloĝejaj domoj, pasaĝeraj aviadiloj ktp. La Monda Organizaĵo pri Sano (MOS) anoncis la alarmon pro epidemio de tiel nomata netipa pneŭmonio (poste populare nomita „sarso” aŭ „saroso”). Fine de marto similaj malsanuloj estis registritaj jam en Tajvano, Tajlando, Kanado, Usono kaj en multaj eŭropaj landoj. Baldaŭ fariĝis konata tio, ke la epidemio komenciĝis en Gŭangdongo jam en novembro 2002.