Back أدب سنسكريتي Arabic সংস্কৃত সাহিত্য Assamese संस्कृत साहित्य AWA संस्कृत साहित्य Bihari Sastra Sanskerta BJN সংস্কৃত সাহিত্য Bengali/Bangla Sanskrit-Dichtung German Sanskrit literature English Literatura sánscrita Spanish Sanskritikeelne kirjandus Estonian
La plej fruaj verkoj de Hindia literaturo estis parole transmitita. Sanskrita literaturo ekis per la parola literaturo de Rigvedo nome kolekto de sanktaj himnoj datitaj el la periodo de 1500–1200 a.K. La sanskritaj eposoj Ramajano kaj Mahabharata aperis ĉirkaŭ la fino de la unua jarmilo a.K. Klasika sanskrita literaturo disvolviĝis rapide dum la unuaj kelkaj jarcentoj de la unua jarmilo a.K.[1]
La Hindia literatura produktado vidis malfruan floradon en la 11a jarcento antaŭ sia malpliiĝo post la jaro 1100, pro la islama konkero de Hindio, pro la detruo de antikvaj sidejoj de lernado kiaj la universitatoj ĉe Taksila kaj Nalando. Estas nuntempaj klopodoj al revivigo de Sanskrito, per eventoj kiaj la Tutbarata Sanskrita Festivalo (ekde 2002).
Pro ties etenda uzado en religia literaturo, ĉefe en Hinduismo, kaj la fakto ke plej modernaj barataj lingvoj estis rekte derivitaj el aŭ forte influitaj de Sanskrito, ties lingvo kaj literaturo estas de granda gravo por la kulturo de Barato simile al tiu de Latino por la kulturo de Eŭropo. Iome el la Sanskrita literaturo kiel la Joga-Sutroj de Patanĝali kaj la Upaniŝadoj estis tradukitaj en araban kaj en persan,[2] ĉefe pro la agado de la imperiestro Akbar. Ankaŭ la Panĉatantra estis tradukita en persan.[3]