Sean Justin PENN naskiĝis la 17-an de aŭgusto 1960 en Santa Monica, Kalifornio, estas usona aktoro, produktoro kaj politika aktivisto. Li gajnis du akademiajn premiojn pro siaj roloj en la misterdramo Mystic River (2003) kaj la biografia filmo Milk (2008).[1]
Penn komencis sian intertempan karieron en televido kun prezentiĝeto en epizodo 112 el Little House on the Prairie (1974), direktita de lia patro Leo Penn. Sekve lia unua filmo estis la dramo Taps (1981) kaj pluraj filmroloj en la 1980-aj jaroj, inkluzive de Fast Times at Ridgemont High (1982); Penn rikoltis kritikan atenton pro siaj roloj en la krimdramoj At Close Range (1986), State of Grace (1990) kaj Carlito's Way (1993). Li iĝis konata kiel eminenta plej elstara aktoro pro la dramo Dead Man Walking (1995), per kiu li gajnis sian unuan Akademipremian nomumon kaj la Plejbonan Aktorpremion ĉe la Berlina Kinfestivalo. Penn ricevis pliajn du nomumojn al la Oskar-premioj pro la komedi-dramo Sweet and Lowdown de Woody Allen (1999) kaj la dramo I Am Sam (2001), antaŭ gajnado de sia unua Akademia Premio al la plej bona aktoro en 2003 por Mystic River kaj plia en 2008 por Milk.
Aldone al sia filmolaboro, Penn estas konata pro sia politika kaj socia aktivismo, inkluzive de sia kritiko de la George W. Bush-registaro, lia kontakto kun la Prezidantoj de Kubo kaj de Venezuelo kaj lia humanitara laboro en la sekvo de Uragano Katrina (2005) kaj la Haitia tertremo en 2010. En januaro 2016, Penn publikigis intervjuon (farita en oktobro 2015) kun meksika drogestro Joaquín "El Chapo" Guzmán en Rolling Stone. Meksikaj aŭtoritatoj malakceptis la gravecon donitan de usona amaskomunikilaro al Penn en konsidero al la fina rekapto de Guzmán, anstataŭe metante gravecon en la daŭrajn komunikadojn de aktorino Kate del Castillo kun Guzmán.