La ĉefo Ruĝa Birdo, kun tradicia vestaro de la SiuojAntaŭa siua areo (malhelverda) kaj nunaj rezervejoj (oranĝaj)
Siuoj (angle: Sioux) estas indiĝenoj de Nord-Ameriko. La termino povas referenci al iu etna grupo el la Granda Siua Nacio aŭ al iu el la naciaj dialektoj. La Siuoj konsistas el tri ĉefaj grupoj bazitaj sur dialekto kaj subkulturo:
Isanti ("Tranĉilo," originas de la nomo de la lago en hodiaŭa Minesoto): rezidantaj en la ekstrema oriento de Norda Dakoto kaj Suda Dakoto, Minesoto, kaj norda Iovao, kaj ofte estas referencataj kiel Santeoj aŭ Dakotoj.
Ihanktovan-Ihanktovana ("Vilaĝo-je-la-fino" kaj "vilaĝeto-je-la-fino"): rezidantaj en la areo de la Minesota Rivero, oni konsideras ilin kiel la mezaj siuoj, kaj ofte estas referencataj kiel Janktonoj aŭ Nakotoj.
Teton (“Loĝantoj de la Prerio”): la plej okcidentaj siuoj, konataj pro ilia ĉasada kaj batala kulturo, kaj ofte estas referencataj kiel Lakotoj.