Back محرف تحكم Arabic Caràcter de control Catalan Řídicí znak Czech Steuerzeichen German Control character English Carácter de control Spanish نویسه کنترلی Persian Ohjausmerkki Finnish Caractère de contrôle French Carachtar rialúcháin Irish
Stirsigno en komputila kodo estas kod-pozicio, kiu havas difinitan signifon, sed ne reprezentas signon prezenteblan (preseblan, videblan). Ordinare tiaj signoj influas la konduton de iu sistemo (aparato, programo), do "stiras" tiun konduton; de tie la nomo.
La origina uzo de stirsignoj estis la stirado de eliga flank-aparatoj, ekzemple teletajpilo, presilo aŭ ekrano. Por ilia uzo necesas precipe jenaj stirfunkcioj:
- iro al la sekva linio (vertikala pozici-ŝanĝo)
- reiro al la komenco de linio (horizontale)
- iro al la komenco de nova paĝo (presilo)
- forviŝo de la kompleta enhavo (ekrano)
- reiro al la antaŭa (en latina alfabeto: maldekstra) pozicio (horizontale)
- aŭdigo de sonorilo (teletajpilo)
La iro al la (dekstre) sekva pozicio ne estas konsiderata kiel rega funkcio, ĉar ĝi estas ligita al la eligo de ĉiuj preseblaj signoj. Nuran paŝon dekstren sen eligo de signo oni kodas per "spaceto" (signo tute blanka).