Back جهاز تحكم عن بعد Arabic Mandu a distancia AST Metowepitcikan ATJ Uzaqdan idarə Azerbaijani Пульт дыстанцыйнага кіраваньня BE-X-OLD দূরবর্তী নিয়ন্ত্রণ Bengali/Bangla Comandament a distància Catalan ڕیمۆت کۆنتڕۆڵ CKB Dálkové ovládání Czech Fjernbetjening Danish
Teleregilo estas aparato, plej ofte mane tenebla, per kiu oni regas elektronikajn rimedojn, sen drato aŭ alia fizika kontakto kun la regata aparato. En hejmoj, oni uzas teleregilon ekzemple kun televido, radioaparato, DVD-legilo, videoaparato aŭ infanaj ludiloj.
Teleregiloj estas uzataj ankaŭ por malfermi pordon (ekz. de garaĝo), ŝlosi kaj malŝlosi aŭton kaj eĉ komandi komputilon aŭ ĝenerale por hejma aŭtomatigo. Ŝlosaj-malŝlosaj teleregiloj ofte estas enkonstruitaj en ŝlosiloj, ekz. tiuj de aŭtoj.
Hejma teleregilo povas esti destinita por funkciigi nur la aparaton, kun kiu ĝi estas liverata, sed ekzistas ankaŭ regiloj por multaj kaj diversspecaj aparatoj.
Teleregiloj estas uzataj ankaŭ en industrio kaj en batalilaj sistemoj de armeoj.