La Universitato de Kopenhago (dane Københavns Universitet) estas la plej antikva kaj granda esplorcentro kaj universitato de Danio. Ĝi havas ĉirkaŭ 37 000 studentojn, el kiuj plejmulto estas virinoj, kaj pli ol 9 000 dungitojn. La Universitato havas plurajn universitatajn areojn en diversaj partoj de la urbo, sed la plej antikvaj troviĝas en la urbocentro. La Universitato estis fondita en 1479. La plejmulto de la kursoj estas instruataj dane, sed nuntempe multaj okazas angle kaj kelkaj germane. Ĝi membras en la Internacia alianco de reserĉaj universitatoj, angle International Alliance of Research Universities, kaj ankaŭ membras en la Ligo de Eŭropaj Esploraj Universitatoj.